-A A +A

Кітапхана туралы

Кітапхана туралы

«Қазақстан Республикасының Заңнама институты» ММ

ғылыми кітапханасының қызметі туралы

1. Кітапхана қоры. Қазақстан Республикасының Заңнама институты» мемлекеттік мекемесі (бұдан әрі – Заңнама институты) кітапханасының қорын баспа басылымдары (оқулықтар, оқу құралдары, монографиялар, жинақтар, брошюралар, анықтама басылымдар, газеттер, журналдар), мәтіндік басылымдар, сондай-ақ CD-дискілер құрайды.  Кітапхана қоры баспа басылымдарын кітап дүкендерінен мемлекеттік сатып алу арқылы, сондай-ақ мемлекеттік органдардан, оқу және ғылыми ұйымдардан және Заңнама институты баспаханасынан түсетін баспа басылымдарымен қалыптастырылып отырады.

Бүгінгі күні кітапхана қоры 2800 баспа басылымын және Қазақстанның, Ресей Федерациясы мен басқа да шет елдердің 2003 жыл мен 2016 жыл аралығындағы 140 аталым, 1000 жуық дана баспа басылымдарын құрайды, оның ішінде, Қазақстан журналдары – 54 аталым, Ресей және шетел журналдары  –  80 аталым (оның ішінде 18 аталым журнал  қазақ тілінде және 116 аталым орыс тілінде, 3 газет қазақ тілінде, 3 газет орыс тілінде).

Заңнама институтының 2006 жылғы маусымынан бастап қалыптастырылған кітапхана қоры толық өңделіп, жүйеленіп, кітапхананың жүйелік электрондық каталогына енгізілді.

2015 жылы  24 аталым мерзімді басылымға жазылу ұйымдастырылған болса, 2016 жылы – 28 аталым  басылымға жазылу ұйымдастырылды.

Сондай-ақ кітапхана қорына  2015 жылғы қаңтар мен 2016 жылғы мамыр аралығында 128 дана заң әдебиеті  түсті.

Түскен  заң әдебиетінің басым бөлігін конституциялық, азаматтық, әкімшілік, қылмыстық және халықаралық құқық салалары бойынша  қазақстан, ресей ғылыми, оқу, анықтама басылымдары мен НҚА жинақтарын құрайды.

2. Кітапхананың  анықтама-библиографиялық жұмысы.

Кітапханада 2006 жылғы маусымынан бастап кітапхананың  анықтама-библиографиялық аппаратының мына түрлері қалыптастырылып, уақытылы толықтырылып отырады (электрондық нұсқа):

1. 1500-ден аса сипаттаманы қамтитын кітапхана  қорының электорондық жүйелік каталогы.

2. 6 сала бойынша СD-дискілердің 21 сипаттамасын қамтитын электрондық басылымдардың  жүйелік каталогы.

3. Ағылшын, корей, неміс тілдеріндегі 30 басылымды қамтитын шетел басылымдарының каталогы.

4. Журналдардың, газеттер мен ресми басылымдардың 140 аталымын қамтитын 2003-2016 жылдардағы мерзімді басылымдардың тізбесі.

5. 30 тақырыпты және 430 библиографиялық сипаттаманы қамтитын (2007-2016жж аралығы) журнал мақалаларының картотекасы.

Кітапханада үнемі «Жаңа  түсім», «Қазақстан Республикасы Заңнама институтының басылымдары», «Заңнама тілінің лингвистикалық мәселелері» және өзге де  тақырыптарда кітап көрмесі ұйымдастырылып отырады.

2011 жылғы ақпан айынан бастап кітапханада анықтама-библиографиялық аппаратты қалыптастыруға мүмкіндік беретін «Kazakh Soft» компаниясы әзірлеген Қазақстандық автаматтандырылған кітапхана-ақпараттық жүйесі (бұдан әрі – Standard ҚАКАЖ) енгізілген.

Бүгінгі күні Standard ҚАКАЖ -де:

109  библиографилық сипаттаманы  қамтитын, 2010-2016 жылдары ғылыми журналдарда және ғылыми-практикалық конференциялардың жинақтарында жарияланған  Заңнама институты ғылыми қызметкерлерінің ғылыми мақалалары картотекасы;

Қазақстан мен ресейдің оқу және ғылыми басылымдары енген, 670-ке жуық  кітаптың (1133 дана) сипаттамасын қамтитын кітап қоры каталогы қалыптастырылған.